Buscador
Noticias
A Mostra de Teatro Infantil de Nadal 2011 pecha as representacións coa posta en escea da obra "Piratas" por Teatro do Noroeste. Cóntanse as aventuras dun barco pirata moi particular e dos membros da perigosa tripulación.
Máis de 7.200 persoas puideron disfrutar dos 4.170 menús, paquetes ou fins de semana que comercializaron as 125 casas de Turismo Rural participantes no V Outono Gastronómico. O 90,08% dos participantes nesta promoción cualifican de boa a relación calidade/prezo desta oferta.
A Xunta de Galicia destina 100.000 euros ao acondicionamento do auditorio da Fundación Manuel María para converter o centro nun referente cultural para os veciños de Outeiro de Rei e nun atractivo turístico para a comarca.
A Xunta transmite directamente á administración concursal de Clesa o seu firme apoio á oferta de Feiraco. Os administradores comprométense ante o Goberno galego a tomar unha decisión na primeira quincena de xaneiro.
O presidente da Xunta, Núñez Feijóo, asegurou na entrega dos Premios do Deporte Galego que “na botica de remedios contra a crise, o deporte e os seus valores de superación e de cooperación deberán figurar nos medicamentos máis recomendados”. Feijóo anunciou unha inxección económica de case 4,6 millóns de euros que se repartirán entre as 59 federacións deportivas.
A obra mestra de Henry Purcell será o colofón ao ciclo de música clásica que ofrecerá a coral xuvenil Cantabile nunha produción integramente galega. Esta actuación súmase á de figuras internacionais que, como Daniel Barenboim, participaron neste evento.
Feijóo di que “este Goberno é o Goberno que máis adicou en termos porcentuais de presuposto corrente aos servizos públicos” nos 30 anos de autonomía e asegura que ao final da lexislatura, “haberá máis hospitais; máis garderías; máis centros de día; máis residencias da terceira idade...".
Constitúese o novo Clúster da Loxística co apoio da Xunta de Galicia a través da Consellería de Economía e Industria. O sector aglutina a máis de 43.000 traballadores nos que o Goberno galego investiu 6 millóns de euros en formación.
Os directores Eduardo Chapero-Jackson e Nacho Vigalondo ofrecen dúas clases maxistrais sobre novas maneiras de facer cine, durante o Foro Academia Aberta que se celebra na Cidade da Cultura de Galicia. A creatividade e a innovación enténdense como os motores do futuro do sector audiovisual.
Presentouse en Vigo o libro-disco sobre Álvaro Cunqueiro titulado "Haberá Primavera. Catorce poemas, catorce cancións", unha obra do cantautor Cesar Morán editada por Galaxia. Ademáis do libro, a obra contén dous CDs con poemas musicados e a derradeira conversa de Cunqueiro con Morán poucos días antes de falecer.
