miércoles, 15 de mayo de 2024
A delegada territorial da Xunta en Vigo, Ana Ortiz, participou na presentación do evento The Way Startup Summit 2024, que un ano máis convertirá a Vigo no maior foro de emprendemento, innovación e investimento no Noroeste de España e cita de referencia a nivel nacional. Durante a presentación da iniciativa, a representante autonómica animou aos emprendedores vigueses a facer o seu bo camiño coa axuda das ferramentas postas en marcha polo Goberno galego a través da Consellería de Emprego.
E sen dúbida escollestes moi ben cando chegades a Vigo, elixistes moi ben porque o noso Camiño da Costa non só é o máis bonito, senón que é o máis moderno e o que ten máis futuro. Porque Vigo é a Meca do emprendemento galego, o lugar no que todo é posible para aqueles que teñen talento e esfórzanse , sinalou a delegada en referencia ao ideario dos organizadores como peregrinos do emprendemento a través do Camiño de Santiago.
Acompañada polo alcalde de Vigo, Abel Caballero, e o delegado do Consorcio da Zona Franca de Vigo, David Regades, así como do coordinador e promotor deste congreso, Lalo García, a representante da Xunta referiuse ao lanzamento do denominado Mapa de Emprendemento, un espazo virtual que integra por primeira vez o ecosistema galego de apoio ao emprendemento con todos axentes, entidades, redes e recursos dispoñibles para iniciar un negocio.
Así, Ana Ortiz destacou que a Xunta seguirá a impulsar o emprendemento e fará un esforzo importante para reforzar o acompañamento ás persoas cunha idea de negocio e referiuse á Rede de Polos que, con 13 centros abertos, estase a consolidar como dinamizadora da economía, en especial no rural, ao se nutrir das novas ideas e oportunidades relacionadas, entre outros ámbitos, coa tecnoloxía, o turismo, as enerxías renovables ou as producións orgánicas.
Programación
O programa de They Way contempla tres grandes escenarios ao redor da innovación, o emprendemento e o investimento, así como a organización de espazos de networking entre os asistentes, co obxectivo de que establezan contactos, intercambien coñecementos e propíciense sinerxias entre eles. The Way desenvolverase os días 9 e 10 de maio abordando temas como os retos de futuro das FinTech, da mobilidade, da alimentación, do retail, do turismo, do deporte ou do téxtil, entre outras áreas.
O 97% das zonas rexistradas no censo de augas de baño de Galicia conta cunha clasificación sanitaria de excelente ou boa. Así se recolle no informe final sobre o Programa de vixilancia sanitaria das zonas de baño 2023 elaborado pola Dirección Xeral de Saúde Pública da Consellería de Sanidade presentado hoxe no Consello da Xunta. O Goberno galego iniciará o vindeiro 1 de xuño unha nova campaña do Programa de vixilancia, tomando como referencia o informe final da pasada tempada. Na pasada tempada, e con motivo da entrada en vigor do Decreto 175/2022, do 13 de outubro, sobre vixilancia sanitaria das augas de baño de Galicia, a Xunta fixo públicas as augas de baño que pasan a formar parte do novo Rexistro de Augas de Baño de Galicia, ben na sección I (augas de baño incluídas no Censo de zonas de augas de baño, na sección II (augas de baño en avaliación) ou na sección III (augas con prohibición permanente do baño).
A escritora Arantza Portabales recibiu o premio Clubs de Lectura 2024, por ser a autora galega máis lida nas bibliotecas escolares durante o curso. A entrega deste premio enmárcase na XVI Xornada de Clubs de Lectura, que congregou a máis de 400 coordinadores destes espazos educativos co obxectivo de compartir experiencias e afondar en novas accións sobre o libro e a lectura. As bibliotecas escolares galegas destacan pola calidade dos espazos de aprendizaxe, polas as actividades relacionadas co tratamento da información e competencias dixitais ou pola formación en diversidade e igualdade.
